Петровска и Османи ја поздравија одлуката на Турција да не го попречува членството на Шведска во НАТО

Од:

Министерката за одбрана Славјанка Петровска, која заедно со премиерот Димитар Ковачевски и министерот за надворешни работи Бујар Османи учествува на Самитот на НАТО во Вилнус, ја поздрави одлуката на Турција да не го попречува членството на Шведска во Алијансата.

– Единството во НАТО уште еднаш победи. Постигнат е договор и Шведска да биде дел од Алијансата. НАТО семејството се проширува на 32 членки. Побројни, помоќни, пообединети, напиша министерката Петровска на Фејсбук.

И министерот Османи на својот фејсбук профил напиша дека има одлични вести од Вилнус и дека по членството на Финска, ова е најважниот политичко – безбедносен настан.

– За време на НАТО самитот се постигна политички договор со кој нашиот сојузник Шведска се приклучува во трансатлантското семејство, продолжувајќи го патот до полноправно членство како 32 земја – членка на НАТО. По членството на Финска, ова е најважниот политичко – безбедносен настан кој не само што значително ја зајакнува моќта на Алијансата, туку и силно ќе влијае на долгорочната безбедност и стабилност на Европа, напиша Османи.

Би можело да ве интересира

Бајден за потегот што го загрижи Кремљ: НАТО стигна до границите на Русија

Лавров: НАТО им нанесе голема штета на соседните земји

Романија предупредува на влошување на безбедносната состојба во Црното Море, бара поголема поддршка од ЕУ и НАТО

Петровска: Тоа што Сара преживеала не смее да биде изговор за потценување на нападот

Финска го отфрли наводното руско барање за напуштање на НАТО

Москва не се откажува од барањата од 2021 година: НАТО да се врати на границите од 1997 година