Олигархот Евгениј Пригожин, шефот на платеничката група Вагнер, во својата нова отворена изјава ја нападна руската армија бидејќи, како што вели, не го препознала ангажманот на борците на групата Вагнер кои учествувале во заземањето на Бахмут.
По месеци и месеци обиди и огромен број жртви, платениците на Вагнер го зазедоа тој град на истокот на Украина пред речиси еден месец.
Пригожин со секој чекор е се поотворен во критиките кон руското Министерство за одбрана, па на налогот на Телеграм на неговиот медиумски сервис беше објавена неговата изјава во која вели: „На борците, на повеќето борци, ништо не им беше дадено. списоците се во Министерството за одбрана, но според информациите има предомислувања за потпишување, сите веќе заборавија дека таму се бореле и загинале“.