Актерот Џони Деп и неговата поранешна сопруга Амбер Херд го кренаа светот на нозе кога зачекорија во судницата, а целата процедура беше детално опфатена.
Имено, Џони поднесе тужба против Херд поради написот што го напиша за Вашингтон пост во декември 2018 година, обвинувајќи ја за клевета. Во споменатиот текст таа се опиша себеси како жртва на семејно насилство.
Амбер веднаш поднесе противтужба барајќи 100 милиони долари.
На крајот, судијата пресуди дека Амбер треба на поранешниот сопруг да му плати отштета од 10 милиони долари, а Деп да и плати 2 милиони долари. Адвокатите на парот постигнале договор според кој осигурителната компанија на Херд ќе му плати на Деп 1 милион долари за да го реши случајот, пишува Дејли Мејл, а актерката го направила токму тоа.
Многумина се сеќаваат дека Деп рече дека парите добиени од пресудата ќе ги даде во хуманитарни цели, што и го направи. Избра пет организации кои ќе добијат по 200.000 долари, пишува Daily Mail.
Меѓу нив е и „Направи филм“ со кој и претходно соработуваше, а кои на тешко болните деца им ги исполнуваат желбите запознавајќи ги со нивните омилени актери и други јавни личности.
Друг дел од парите одат за луѓето во The Painted Turtle, организација основана од Пол Њуман која обезбедува кампување искуства за деца со хронични, сериозни болести. Една од организациите која исто така ќе добие пари е Red Feather, која работи со домородните заедници за создавање решенија за домување.
Друга „рунда“ од 200.000 долари, исто така, оди на непрофитната организација на Марлон Брандо која финансира програми за зачувување, истражување и образование за локалните училишта, како и Алијансата на фондот Амазонија, компанија која е фокусирана на заедниците низ Амазонија.