Оштетувањето на гасоводот за амонијак, за што Украина и Русија меѓусебно се обвинуваат, ќе има негативно влијание врз судбината на Црноморскиот договор за жито, соопшти Русија.
Кремљ претходно се закани дека ќе се откаже од договорот, кој обезбедува безбеден коридор за украинскиот извоз на жито, доколку не се исполнат барањата за подобрување на извозот на руското ѓубриво.
Гасоводот Тољати-Одеса не е во функција од почетокот на војната во февруари минатата година, а Русија оваа недела ги обвини украинските сили дека кренале во воздух дел од него.
Регионалниот украински гувернер рече дека бил гранатиран од Русија.
Запрашан како штетата може да влијае на судбината на договорот за жито, портпаролот на Кремљ Дмитриј Песков рече: „Тоа може да има само негативен ефект“.
Тој тоа го нарече „уште една компликација во однос на продолжувањето на договорот“.