Девојката (26) која на 1 јуни претрпе страшно семејно насилство и силување, додека нејзиното шестмесечно бебе доби 11 модринки од невенчаниот партнер (25), изјави дека и неговата мајка била жртва на насилство.
Оштетената девојка за српски Курир раскажа за грозоморните детали од тортурата која ја трпела веќе два месеци. Имено, како што изјави, била парализирана од страв, се плашела да пријави, но на крајот нашла сила и пријавила кај надлежните бидејќи насилството било се почесто и поинтензивно.
На осомничениот за претепување бебе и силување жена му е одреден притвор до 30 дена.
– Во 2017 година ја претепа мајка си и потоа доби 20 дневен притвор, но подоцна беше ослободен бидејќи мајка му ја повлече жалбата против него. Наведе и дека е алкохоличар и коцкар, но по се што ми се случи гледам дека е насилник – изјави повредената девојка.