Приватната платеничка група Вагнер ги користи социјалните мрежи за да регрутира оператори со беспилотни летала, медицински лица и психолози за да учествуваат во борбени операции, вклучително и војната во Украина, пишува Politico.
Во текот на изминатите 10 месеци, огласите за работа на Вагнер на Твитер и Фејсбук достигнаа речиси 120.000 прегледи.
Различните огласи за работа во таа група се напишани на многу јазици, вклучувајќи француски, виетнамски и шпански, и вклучуваат листа на телефонски броеви и сметки на Телеграм.
Политико пишува дека Вагнер нуди 240.000 рубли (3.190 долари) месечно и многу бенефиции, вклучително и здравствена заштита.