Американскиот претседател Џо Бајден рече дека има „исклучително негативна“ реакција на извештаите дека Русија напредува со својот план за распоредување тактичко нуклеарно оружје во Белорусија, додека Европската унија го осуди планот.
Ројтерс пренесува дека шефот за надворешна политика на ЕУ, Жозеп Борел, рекол: Ова е чекор што ќе доведе до натамошна исклучително опасна ескалација.
Во четвртокот, Русија потпиша договор со Белорусија за складирање на боеви глави во објект што треба да биде завршен за нешто повеќе од еден месец. Белорускиот претседател Александар Лукашенко подоцна изјави дека трансферот на дел од оружјето веќе е започнат.
Борел рече дека договорот е во спротивност со неколку меѓународни договори.
„Ја повикуваме Русија да ги исполни овие обврски. Белорускиот режим е соучесник во незаконската и неиспровоцирана руска агресивна војна против Украина“, рече тој.
Борел рече дека секој обид „понатамошна ескалација на ситуацијата ќе биде исполнет со силен и координиран одговор“.