45-годишен маж од Кочани нелегално чувал пиштол и муниција во својот дом. Полицијата добила информација дека мажот поседува оружје без дозвола и добила судска наредба да изврши претрес во неговиот дом.
Претресот е извршен вчера, при што полицајците пронашле пиштол Црвена Застава како и 50 куршуми.
Во официјалната информација од МВР се вели:
„ На 18.05.2023, полициски службеници од ОВР Кочани го лишиле од слобода Р.Н.(45) од Кочани. При претрес во неговиот дом, извршен со судска наредба, биле пронајдени и одземени пиштол „Црвена застава“ калибар 7.65 мм и 50 куршуми калибар 7.65 мм за кои не поседувал дозвола.“
Тој бил задржан во полициска станица и по целосно документирање на случајот против него ќе биде поднесена соодветна кривична пријава.