Германската полиција уапси маж (40) по потекло од Србија, под сомнение дека е вмешан во убиството на маж (39) во Хамбург пред еден месец.
Како што јавија тамошните медиуми, за истото кривично дело, освен Србинот, со лисици на рацете е врзан и државјанин на Сирија (25).
– Неколку недели откако телото беше пронајдено во стан во една од областите на Хамбург, инспекторите за убиства почнаа да го истражуваат случајот. Двајца од уапсените се познаници на починатиот – се наведува на порталот Хамбургер Абендблат од каде се додава дека полицијата во четвртокот извршила претрес во домовите на Сириец и Србин.
– Помлад маж е уапсен поради налог за апсење во друг случај – изјавија тие.
Како што потсетуваат тамошните медиуми, мртвиот маж (39) полицијата го пронашла во станот кон средината на април по повик од соседството.
-По пријавата полицијата ја скршила вратата и во станот пронашла тело. Најпрвин немало сомнеж дека некој е вмешан во смртта на мажот, но понатамошните анализи покажале дека човекот бил отруен со наркотици – наведува споменатиот портал.
При претресот на станот на двајцата осомничени полицијата пронашла одредени докази кои упатуваат на нивна вмешаност во смртта на мажот.
– Доказите се испратени на вештачење и анализа. Како осомничениот Србин и Сириец биле вмешани во смртта сè уште не се соопштува – пишуваат медиумите.