Полицијата уапсила државјанин на Босна и Херцеговина во населбата Ѓорче Петров во Скопје. 23-годишниот државјанин на Босна имал привремен престој во Македонија, но бил и осуден од страна на судот во Скопје на казна затвор од 1 година и шест месеци, а не се пријавил на издржување на казната.
Во информацијата од МВР се вели дека на ул.„Емин Дураку“ во Скопје, полициски службеници од Оперативен тим потраги при СВР Скопје и од Отсекот потраги при Одделението за криминалистички работи Ѓорче Петров го лишиле од слобода С.М.(23) од Босна и Херцеговина, со привремен престој во Скопје.
Тој бил баран по централна потерница врз основа на наредба на Основен кривичен суд Скопје за издржување казна затвор од една година и шест месеци за сторено кривично дело по член 130 од Кривичниот законик.
Уапсениот е веднаш спроведен во Казнено-поправната установа Затвор скопје за издржување на казната.
