Министерството за економија ќе распиша јавни повици за субвенционирање на дел од трошоците за инсталирање на пвц и алуминиумски прозорци, сончеви колектори и фотонапонски централи, најави министерот за економија, Крешник Бектеши.
– Ќе се зголеми буџетот за оваа ставка и ќе изнесува 70 милиони денари. Ќе има надоместување на дел од трошоците за вградени пвц или алуминиумски прозорци за 2023 година каде што се предвидени 25 милиони денари со што ќе се опфатат над 1000 домаќинства. На лицата кои ќе купат вакви прозорци, министерството ќе им обезбеди враќање на средствата од 50%, но не повеќе од 20.000 денари – истакна министерот.
Министерството за економија ќе ги надоместува дел од трошоцоите за купување на сончеви колектортски системи каде што се предвидени 15 милиони денари и ќе се опфатат над 1.000 домаќинства. Кофинансирањето ќе биде во висина до 30%, но не повеќе од 15.000 денари.
Третата мерка е надоместување на дел од трошоците за инсталирање на фотонапонски централи за домаќинства до 6 киловати и тука се предвидени 30 милиони денари и ќе мерката опфати над 400 домаќинства. Повратот ќе биде во висина од 30%, но не повеќе од 80.000 денари.