Американскиот државен секретар Антони Блинкен изрази „сериозна загриженост“ за смртта и ранувањето на суданските цивили во одделни разговори со водачите на вооружените сили на Судан и ривалските Сили за брза поддршка (РСФ), изјави претставник на Стејт департментот.
Од саботата траат борбите меѓу редовната армија на Судан предводена од генералот Абдел Фатах ал Бурхан и паравоената РСФ предводена од генералот Мохамед Хамдан Дагало, попознат како Хемедти.
Блинкен ја нагласи одговорноста на двајцата генерали, Абдел Фатах ал-Бурхан и Мохамед Хамдан Дагал, да ја гарантираат безбедноста на цивилите, вклучително и дипломатскиот персонал и хуманитарните работници, рече претставникот на Стејт департментот.
Најмалку 185 луѓе загинаа, а повеќе од 18.000 се повредени во конфликтот, изјави во понеделникот специјалниот претставник на ОН Фолкер Пертес.