Соединетите Американски Држави денеска ја повикаа Русија да дозволи конзуларна посета на притворениот новинар на Волстрит журнал Еван Гершкович, за да се провери неговата состојба.
Во оваа прилика се огласи заменик министерот за надворешни работи на Руската Федерација, Сергеј Рјабков, кој рече дека официјална Москва ќе го разгледа американското барање, но, како што истакна, не под притисок, пренесува Ројтерс.
Специјалниот пратеник на американскиот претседател Роџер Карстенс за американските медиуми изјави дека контакт со Гершковиќ се уште не е остварен.
„Разбрав дека е во добра психичка состојба и дека е здрав. Сепак, не успеавме да ја потврдиме оваа информација преку американскиот конзулат“, рече Карстенс на емисијата „Добро утро Америка“ на кабелската телевизија ABC.
Рјабков потврди дека официјална Москва размислува да им дозволи на американските дипломати конзуларен пристап на Гершковиќ, кому му беше дозволен само минимален контакт со правните застапници од притворот пред две недели.
Новинар на Вол Стрит Журнал е во притвор под обвинение за шпионажа.