Дванаесетгодишно момче чека судење за убиството на социјалната работничка од Шефилд, Марсија Грант. Полицијата и обвинителството поради возраста не сакаа да го откријат неговиот идентитет, но тој ќе биде најмладиот осуденик кој се појавил пред британски суд во последните 30 години.
12-годишното момче е обвинето за убиство на социјалната работничка Марсија Грант од Шефилд, која ја прегазил со нејзиниот автомобил. Така тој станува едно од најмладите деца на кои им се суди за убиство во Британија во последните 30 години, а пресудата се очекува меѓу август и октомври.
Тој денеска се појави на Шефилд Краун Корт. За време на 20-минутното рочиште, тој зборуваше само за да потврди дека разбира што му кажува судијата и не се изјасни. Тој е обвинет и за поседување нож. На момчето му е одреден притвор и му е наредено да се врати во судот на натамошно рочиште на 5 мај.
Вообичаено, на оние помлади од 18 години им се суди пред судот за малолетници, но за тешки дела, како што е убиството, малолетничките случаи се префрлаат на суд за возрасни. Со оглед на возраста на момчето, адвокатите и судијата во случајот не носеа перики или наметки. Момчето се појавило зад непробојно стакло опкружено со четворица обезбедувачи.
Момчето ја прегази Грант пред нејзиниот дом во областа Гринхил во Шефилд минатата среда. Кај момчето по убиството бил пронајден и нож. Други детали, како и мотивот за убиството се уште не се објавени.