Тројца Македонци и Италијанец загинаа во тешка сообраќајна несреќа што доцна синоќа се случи во провинцијата Асти во Италија.
Сообраќајната се случи на патот што ги поврзува Лигурија со јужниот дел на Пиемонт, во областа Понте Верде и во неа учествувале два автомобила.
Во едниот автомобил бил 23-годишен Италијанец, додека во другиот се наоѓале другите тројца загинати за кои италијанските медиуми јавуваат дека се 30-годишници кои се македонски државјани кои живееле во Италија.
Судирот помеѓу возилата се случил на тесна и опасна кривина на која имало многу тешки сообраќајки и во минатото.
На самото место бргу пристигнале екипи на Итна помош и пожарникари кои се обиделе да ги извлечат патниците, но не успеале да ги спасат.