Откриен е уште еден доказ дека хрватската полиција незаконски постапува против мигрантите, за што тие постојано се обвинувани.
Имено, како што пренесуваат сите хрватски медиуми, доказ се скриншотите од групата на апликацијата WhatsApp, во кои се дадени детали за „дејствијата“ на хрватската полиција, малтретирањето на мигрантите, како и фотографии. Во групата учествувале многубројни полицајци, како и самиот врв на хрватската полиција.
Според Индекс, доказите пристигнале во ноември минатата година во непрофитната истражна редакција „Лајтхаус извештаи“, на која и биле доставени шеесет слики од екранот, кои содржат избрани делови од комуникациите на врвната хрватска полиција во групата за допишување на WhatsApp во периодот од август 2019 до февруари 2020 година.
Заедничката истрага на неделникот Новости, Лајтхаус Репортс, Нова ТВ, порталот Телеграм, германскиот Шпигел и австрискиот ОРФ откри дека полицијата, користејќи група на WhatsApp, комуницирала за третманот на мигрантите и споделила голем број податоци, кои ги прекршил законите и внатрешните прописи со кои се пропишуваат официјалните методи за известување.
од МУП, пак, тврдат дека се е според законот.
Тие полицајци комуницирале во рамките на групата за разговор наречена „ОА Коридор II – Запад“, по истоимената полициска акција која ги опфаќа западните делови на Хрватска и чија цел е заштита на државната граница од нерегуларни мигранти.
Во групата имало полицајци од речиси сите хиерархиски нивоа, па се до самиот врв на хрватската полиција – началниците на полициските одделенија. Во разговорот биле вклучени и шефот на Службата за односи со јавност, тогашната портпаролка на МВР, управителот на Мобилната група за граничен надзор… Снимките од екранот покажале дека во групата WhatsApp масовно разменувале информации околу големината на пресретнатите групи мигранти, местото и времето на нивните средби и националностите, и кога ќе се соберат сите оние што се среќаваат на сликите од екранот, бројката е 1.337.
Исто така, како што се покажа, во таа група биле споделени лични работи, фотографии од документи и регистарски таблички на автомобили сопственост на сомнителни лица, како и лични податоци на новинари.
Во групите учесниците, освен што споделуваа податоци, меѓусебно се пофалија по некои од акциите на пресретнување мигранти.
Меѓународниот новинарски тим со неколку методи ја утврди автентичноста на тие снимки, а наведоа и дека ги обезбедило неидентификувано лице, кое се јавило од привремен број.
На разговорот беа споделени и фотографии од уморни, резигнирани или очајни мигранти, понекогаш со преплашени лица. Посебно потресни се двете на кои се гледаат големи групи мигранти како лежат со лицето надолу на земја, пишува Индекс.
Исто така, на серија фотографии мигрантите се боси, со соблечени чевли, што одговара на сведоштвата дека хрватската полиција им наредува да ги соблечат чевлите, а понекогаш и наводно ги принудува да одат боси. На неколку фотографии се гледаат полицајци од различни единици на МВР, вклучително и специјалци вооружени со автоматски пушки, како набљудуваат мигранти.
Да потсетиме, овој случај е само последен во низата во која „главни актери“ се хрватските полицајци кои се обвинети дека особено нехуман постапувале со мигрантите и ги протерувале назад во Босна и Херцеговина. За ова беа собрани стотина извештаи и сведоштва, а целокупната документација е доставена и до надлежните европски институции.