Претседателот на Украина Володимир Зеленски денеска изјави дека ситуацијата во Бахмут на истокот на Украина е навистина тешка.
Тој додаде дека ќе бидат донесени „соодветни одлуки“ доколку украинските војници таму се изложени на ризик да бидат опколени од руските сили.
Зеленски на прес-конференција во Полска рече дека најважно за него е да ги заштити животите на војниците, пренесе Ројтерс.
Тој и се заблагодари на Полска за нејзината „историска“ помош, велејќи дека таа треба да стане клучен партнер во обновата на земјата штом „руската инвазија ќе заврши“.