Група шверцери на дрога потпалија еден брод натоварен со 30 тони хашиш во близина на бреговите на Италија, откако биле пресретнати од патрола на Крајбрежната стража, соопшти денеска италијанската полиција.
Во соопштението се посочува дека полицијата пред три дена добила дојава дека 85 метри долгиот брод „Голд Стар“ натоварен со хашиш, плови по Средоземното Море.
– Деветте членови на екипажот, државјани на Египет и Сирија, го потпалија бродот и го уништија товарот, а потоа скокнаа во морските води, се додава во соопштението.
Полицијата наведува дека шверцерите набрзо биле уапсени, а дека за гаснењето на пожарот на бродот биле потребни неколку часови.