Премиерот Димитар Ковачевски се шегуваше на сметка на фудбалскиот талент на министерот Крешник Бектеши додека заедно пазареа во еден од скопските супермаркети.
Двајцата ги сопре поранешна македонска ракометарка со која си направија муабет за нивните спортски афинитети, а Ковачевски и рече дека Бектеши бил спортист на времето кој играл за Влазерими од Кичево, но сега игра само за Артан Груби во канцеларија.
– Еве го Бектеши. И тој беше спортист на времето. Фудбал играше за Влазерими од Кичево. Сега игра за Артан Груби во канцеларија, таму дава голови и постигнува кошови – истакна премиерот Димитар Ковачевски во разговорот со ракометарката од Тафталиџе, сега пензионерка.
Таа му рече дека била “најдобрата голманка во Македонија“, а Бектеши одговори дека во канцеларијата на Груби тој забивал кошеви, додека Груби постигнувал голови.
Ова беше трета проверка на Ковачевски на замрзнатите цени и трет повик до новинарите да го снимаат како пазари во супермаркет.