Вчера вечер околу 23.40 часот во СВР Скопје било пријавено дека на паркинг простор на булеварот „Илинден“ во Скопје настанал пожар во патничко возило „фолксваген голф“ со скопски регистарски ознаки, сопственост на 40-годишниот М.М., извести МВР.
– Од пожарот било зафатено и патничко возило „тојота селика“ со скопски регистарски ознаки, сопственост на А.М.(40) од Скопје. Повредени лица нема, а пожарот бил изгаснат од екипа на Бригадата за противпожарна заштита Скопје, соопшти МВР.