Снимка на која Владимир Кличко, поранешниот боксерски шампион и брат на градоначалникот на Киев Виталиј го вози моќниот германски тенк Леопард 2 е објавена денеска. Првите вакви тенкови вчера и беа испорачани на Украина.
Антон Герашченко, советник во украинското Министерство за внатрешни работи, го објави видеото на социјалните мрежи. На него се гледа како Кличко го вози тенк во шумска област.
"Thank you, Germany! Thank you, the free world for all you do for us Ukrainians!" – world boxing champion Volodymyr @Klitschko tried out the Leopard tanks. pic.twitter.com/P7zPWj1cX7
— Anton Gerashchenko (@Gerashchenko_en) February 25, 2023
„Никогаш не мислев дека ќе ја возам оваа мачка. Година на војна во Украина. Година на страдање, но и година на волја, која е посилна од кога било“, вели Кличко во видеото.
Тој потоа им се заблагодари на Германија и на слободниот свет „за се што прават за Украина“.
Вчера беа објавени фотографии на кои се гледа како украинскиот премиер Денис Шмихал и полскиот премиер Матеуш Моравјецки се ракуваат пред напредните тенкови Леопард 2.
Се верува дека овие модерни тенкови би можеле да одиграат значајна улога во најавената украинска контраофанзива.