Високо рангирана израелска дипломатка денеска беше исфрлена од самитот на Африканската унија (АУ), откако ескалираше спорот околу акредитацијата на Израел.
Сликите објавени на интернет покажуваат дека луѓето кои се грижеа за безбедноста на АУ се судрија со дипломатката на церемонијата на отворањето на самитот, пред таа да ја напушти салата.
Israeli delegation expelled from the African Union summit in Addis Ababa, Ethiopia. pic.twitter.com/q7qGSPX3gE
— The Cradle (@TheCradleMedia) February 18, 2023
„Израел со вознемиреност гледа на инцидентот во кој заменик-директорот за Африка, амбасадорката Шарон Бар-Ли, беше исфрлена од самитот на АУ и покрај фактот што таа беше акредитирана како набљудувач и имаше влезна картичка“, соопшти израелското Министерство за надворешни работи.
Ебба Калондо, портпаролка на претседателот на комисијата на АУ, рече дека на Бар-Ли и бил забранет пристапот затоа што таа не била соодветно акредитиран амбасадор во Етиопија, односно функционер што се очекува на самитот.