Атмосферата во Собранието е жешка и тензична, се дебатира за проектот „Скопје 2014“.
За опозицијата се работи за забеган, расипнички и криминален проект, за власта проект кој го дал ликот на метрополата и аманет за иднината.
Се вади цел арсенал, не се бираат навреди и зборови. Евидентна е нервозата. Опозицијата и забележува на ВМРО-ДПМНЕ зошто не говори за денешниот криминал, за тоа дека народот во анкета не ја подржува изградбата на споемници. Власта пак се навраќа на периодот од пред дваесетина години, за набавките во времето кога Црвенковски бил премиер, за коалицијата на СДСМ со Љубчо Георгиевски.
Наташа Савова Салкова , ја потсети Бонева за како што рече врховистичкиот говор за наградата „Киро Глигоров“, кога го употребила зборот „чужди“, и побара превод од говорот на Силвана Бонева и на бугарските зборови.
