(ФОТО) Кражба во Аеродром – им ги украле влезните врати на станарите од неколку згради

Од:

Полициските билтени се преполни со кражби, но последната што се случи во населбата Аеродром во Скопје е како од рубриката верувале или не.

Двајца крадци им ги украле влезните врати на станарите од неколку згради во населбата Аеродром.

Дека вратите недостигаат пред станарите воопшто и да забележат, откриле полициски службеници, кои вчера попладнето, околу 18.30 часот, на паркинг-простор пред трговски центар на подрачјето на Аеродром ги виделе крадците со вратите и ги уапсиле на самото место.

Во полицискиот билтен стои дека полициски службеници од Одделението за криминалистички работи при ЕВР Аеродром и Драчево ги лишиле од слобода Г. Г. (43) и М. М. (40), двајцата од Скопје. Тие се сомничат дека во периодот од 15 до 18 часот одзеле три влезни врати од две згради на булеварот АСНОМ.

Во службен разговор во полициска станица тие ги признале делата, а одземените предмети биле пронајдени и вратени. По целосно документирање на случајот, против нив ќе биде поднесена соодветна пријава.

Според информациите на „А1он“, ова не е прв обид да се крадат вратите од влезовите. Крадците имале обид и за време на новогодишните празници, но биле начекани од станарите и спречени по што избегале. Втор пат на Водици повторно имале обид, но исто така неуспешен.

По сè изгледа, третиот пат имале среќа, само за да ги украдат, но не и да не бидат фатени со огромните врати до нив среде паркот во Аеродром.

Би можело да ве интересира

Пронајдено детето што беше пријавено за исчезнато во Сарај

А1он

Меџити не кажа дали е можен министер за внатрешни работи: Ќе разговараме во наредните денови

А1он

Уапсен триесетгодишник од Стојаково, полицијата му нашла марихуана во домот

А1он

МВР: Неготинец нападнал малолетник во сендвичарница, исчезнал болен маж од Кавадарци

Горан Наумовски

(ВИДЕО) 12 граѓани ги фотографирале гласачките ливчиња, шест пријави за нудење на поткуп – Министерот Тошковски за изборниот ден

Анита Петровска Рајковиќ

МВР: Нови случаи на фотографирање и кинење на гласачко ливче

Горан Наумовски