Договорот со Фронтекс што нашата држава го потпиша на официјален македонски јазик е голем успех за македонската држава и дипломатија.Со тоа пропаднаа во вода сите лаги и хистерии што опозицијата, а пред се пратениците на ВМРО-ДПМНЕ и Левица ги ширеа овде во Собранието, но и надвор од него рече на прес конференција пратеникот на СДСМ Миле Талески.
– Поминаа повеќе од шест месеци од потпишувањето на Договорот со Фронтекс, а ВМРО-ДПММНЕ и Левица не собраа храброст да се извинат за тоа што грубо ја лажеа јавноста. Денеска, пред нас пратениците на дневен ред е ратификацијата на Договорот со Фронтекс. Кога веќе ја испуштија приликата да им се извинат на граѓаните за сите лаги околу македонскиот јазик и идентитет, пратениците имаат шанса денеска тоа да го сторат преку гласање ЗА ратификација на Договорот.Договорот со Фронтекс е еден од најсилните докази дека македонскиот јазик е признаен од ЕУ и тоа со чиста формулација, без додавки и фусноти, како што тоа беше случај пред десеттина години вели Талески.