Собранието денеска го усвои дневниот ред на 99.седница, по што беше верификуван мандатот на нова пратеничка – Даниела Стојановска Пановска, која доаѓа на местото на досегашниот пратеник Зеќир Рамчиловиќ.
Во рамки на оваа седница, Собранието, со 54 гласа „за“ го усвои Законот за финансиска инспекција во јавниот сектор.
Потоа, со 55 гласа „за“ пратениците го донесоа и Законот за изменување и дополнување на Законот за гранична контрола.
Претседателот на Собранието, Талат Џафери, потоа ја прекина седницата и за утре најави ново продолжение.
