ВМРО-ДПМНЕ во писмената реакција на прес-конференцијата на секретарот на општина Струмица оценува дека со изнесените тврдења повторно се фаќаат во лага.
– Прво викаат дека не се работи за истата парцела каде Владата преку Агро берза инвестираше за инфраструктурна изградба над 52 милиони денари, а веднаш потоа самите признаваат дека тоа е вистина. Дека се работи за истата парцела и за истата сума, се наведува во реакцијата.
ВМРО-ДПМНЕ бара Заев да каже кога прв пат остварил средба со инвеститорите и каде се одржани првите средби во општина Струмица и кој ги претставил можностите за инвестирање.
– Дали Заев или Владата е таа која постигна договор со инвеститерот за државна помош која изнесува над еден милион евра за да оваа компанија инвестираа во Македонија и дали Владата или Заев согласно законот обезбеди даночни олеснувања за да се реализира оваа инвестиција, прашуваат од ВМРО-ДПМНЕ.
