Британското Министерство за одбрана го објави дневниот извештај за ситуацијата во Украина. Во него се наведува дека Андреј Картаполов, шеф на Одборот за одбрана на руската Дума, на 12. јануари предложил Русија да ја зголеми горната возраст за воена служба од 27 на 30 години за воен рок во пролетта 2023 година.
Latest Defence Intelligence update on the situation in Ukraine – 15 January 2023
Find out more about the UK government's response: https://t.co/AANuBAl6u2
🇺🇦 #StandWithUkraine 🇺🇦 pic.twitter.com/Zxw8BYjcdC
— Ministry of Defence 🇬🇧 (@DefenceHQ) January 15, 2023
Картаполов рече дека овој потег може да го овозможи најавеното зголемување од 30 отсто на руските сили. Минатата година рускиот претседател Владимир Путин изјави дека поддржува таков чекор. Руските лидери веројатно се надеваат дека промената на возрасните критериуми за рутинско регрутирање може да го зголеми бројот на војници кои се борат во Украина, без да го алармираат населението со вториот круг на непопуларна „делумна мобилизација“.