Новиот бран на ВМРО-ДПМНЕ ги зафати училиштата во Штип

Од:

Новиот бран на промени на директорските места на институциите со кој раководат кадри од ВМРО-ДПМНЕ, кој премиерот го најави уште кон крајот на месец јуни, затропа и на вратите на образовните институции во Штип.

На стартот на новата учебна година градоначалникот на општина Штип, Илчо Захариев, одлучи да назначи нов општински просветен инспектор и нови директори на дел од основните и средните училишта.

За општински просветен инспектор е именуван Јовче Арсов, долгогодишен професор во гимназијата „Славчо Стојменски“ во Штип. Досегашниот општински просветен инспектор, Ванче Маневски, кој на оваа функција дојде по локалните избори во 2009 година, сепак, останува раководител на Секторот за јавни дејности и локален економски развој во Општина Штип.

Стартот на новата учебна година се покажа како неуспешен и за Томе Коловски, кој во изминативе четири години ја извршуваше функцијата директор на средното општинско училиште „Коле Нехтенин“. Во неговата фотелја од денес и официјално седнува Атанас Крстевски, долгогодишен професор во ова училиште.

Во наредните неколку денови се очекува смена на уште неколку директори на училиштата во Штип, бидејќи, според изјавата на Захариев дадена за локалните медиуми, дел од директорите се веќе заморени и им е потребно освежување.

Меѓу граѓаните веќе подолг временски период кружат шпекулациите дека ќе има смени и во директорските фотелји на средното медицинско и текстилно училиште, како и на основното училиште „Тошо Арсов“.

Дел од граѓаните ваквиот чекор на Захариев го оценуваат како обид за бришење на „трагите“ што зад себе ги оставил претходниот градоначалник Зоранчо Алексов, кој, исто така, беше кадровско решение на ВМРО- ДПМНЕ.

Би можело да ве интересира

ВМРО-ДПМНЕ: Филипче и СДС бегаат од надзорна расправа за Алта банка и продолжуваат да лажат дека банката имала забрана за работа во ЕУ

(ВИДЕО) Манасиевски: Филипче и СДС и натаму лажат дека Алта банка имала забрана за работа во ЕУ

А1он

ВМРО-ДПМНЕ: Нема голем скандал во Македонија, а трагите на парите да не водат директно во Зајас кај Али Ахмети

А1он

ВМРО-ДПМНЕ: СДС е спотер, а сватот на Али Ахмети акционер

Се претставуваат како спасители на повредени роднини и им ги земаат заштедите на повозрасните

Петрушевски: Филипче и партнерите од СДС треба да одговараат кривично за саботажа на банкарскиот систем во државата