Американскиот претседател Џозеф Бајден најави формирање на коалиција на сојузници за да одговори на глобалните предизвици, вклучително и руската војна против Украина.
„Во време на сериозни глобални предизвици – од глобалната инфлација, климатската криза до бруталната војна на Русија против Украина – ја обединуваме најшироката можна коалиција на партнери за да постигнеме резултати“, напиша Стејт департментот на Твитер.
Во меѓувреме, НАТО ќе го зголеми производството на оружје.
„За артилерија ни треба огромна количина муниција, потребни ни се резервни делови. Треба да го зголемиме производството и тоа го прават сојузниците“, изјави претходно генералниот секретар Јенс Столтенберг во интервју за Би-Би-Си.