Милијардерот и сопственик на Твитер Илон Маск се согласи дека во иднина само корисниците со сина ознака треба да гласаат за политиките на компанијата.
Тој долго време не коментираше по анкетата во која корисниците на Твитер гласаа за негова оставка, но Маск сега се огласи.
Иако не го коментираше она што сите го очекуваа, тој не објави дека се повлекува од позицијата извршен директор.
Имено, корисниците предложија само сметките кои имаат верификација во форма на сина ознака да одлучуваат и да гласаат во идните анкети за политиката на компанијата Твитер.
Со ова се согласи и Маск, посочувајќи дека тоа е добар предлог и дека Твитер ќе ја спроведе промената.
Blue subscribers should be the only ones that can vote in policy related polls. We actually have skin in the game
— Unfiltered☢Boss (@Unfilteredboss1) December 19, 2022
Синиот знак за проверка е функција која им се дава на профилите на Твитер како доказ за автентичноста, а може да се добие со плаќање месечна претплата од осум долари.
Сè уште ја чекаме официјалната реакција на Илон Маск за резултатите од вчерашната анкета на која корисниците на Твитер гласаа за милијардерот да се повлече од функцијата извршен директор на компанијата.