Албанија: Поради поплавите градоначалникот на Скадар бара прогласување вонредна состојба

Од:

Обилните дождови присутни од вчера попладне дополнително ја влошија состојбата со поплавите во подрачјето на северниот дел на Албанија, посебно во општина Скадар.

Поради тоа првиот човек на општината Бард Спахиа, побара Владата да прогласи вонредна состојба во овој регион.

Спахиа побара максимално внимание, бидејќи ниту една ситуација не треба да се занемарува, уште повеќе во вечерните часови каде што е потешка интервенцијата на терен.

Според последните информации од штабот за вонредни состојби под вода има 3020 ха земја, 250 ха повеќе отколку што беше регистрирано вчера попладне, што е последица и на испуштањето вода од хидроелектраните, со цел да не дојде до пукање на браните.

Вода има во повеќе од 150 куќи, многу патишта се под вода и за неопходни минувања на располагање се армиски теренски возила.

Во повеќе населени места има прекин во снабдувањето со електрична енергија.

Извор: МИА

Би можело да ве интересира

МАЕИ бара јавно извинување за етикетирање на македонската заедница во Албанија како „Северномакедонци“, од албанската амбасадорка во Софија

Муцај: Сигурен сум дека Македонија ќе најде решение со Бугарија

Албанија – прва земја од Балканот која го забранува ТикТок

А1он

Мицкоски: Граѓаните да не наседнуваат на провокации, упатувам порака за единство и смиреност

Во Албанија уапсен е водач на картел по запленувањето на 703 килограми хероин

Рама: Извештајот за напредокот на Албанија за 2024 година најпозитивен до сега

А1он