Министерот за енергетика на Украина, Херман Халушенко, објави дека руски проектили погодиле девет украински електрани во масовниот напад утринава и додаде дека тимови од инженери се уште работат на проценка на степенот на штетата.
Украинската државна енергетска компанија Укренерго објави дека повеќе од половина од потрошувачите во Украина останале без струја поради ракетните напади на руските сили. „Масовните ракетни напади низ Украина предизвикаа губење на повеќе од половина од капацитетот на електроенергетскиот систем“, објави Укренерго во соопштението.
Градовите Харков и Полтава се уште се без електрична енергија, а најавени се итни прекини на струјата низ целата земја.