ВМРО-ДПМНЕ, Христијан Мицкоски и Данела Арсовска го создадоа хаосот во Скопје.Поради нивната неспособност, поради нивните кавги за рацете во медот, граѓаните на Скопје се соочуваат со блокади, проблеми во движењето и извршувањето на секојдневните обврски вели советничката на СДСМ во Град Скопје Рената Јајоска.
– ВМРО-ДПМНЕ Мицкоски и Арсовска не можат да избегаат од одговорноста, тие треба да сработат за да престанат блокадите. Претседателот на Советот, мнозинството советници, мнозинството советници во Советот се од редовите на ВМРО-ДПМНЕ и само оваа партија може да стави крај на овој хаос. Ние, како советничка група побаравме посебна седница на која ќе се расправа за работењето на ЈСП Скопје, но ВМРО-ДПМНЕ и претседателот на Советот на Град Скопје Трајко Славевски тоа не го дозволија рече Јајоска.