Бугарија би можела да побара странска финансиска помош за справување со илегалните имигранти од Сирија, чиј број е во пораст, објави денеска Владата.
Се разгледува можноста за барање на помош од Европската унија, од НАТО, од Агенцијата на Обединетите нации за бегалци, а можеби и од Црвениот крст и Црвената полумесечина.
Од Турција во Бугарија на почетокот на годината илегално влегле над 1.700 Сириијци, а Бугарија располага со капацитет за сместување само на 1.100 бегалци.