Една жена загина, а по десет лица се трага по лизгање на земјиштето предизвикано од обилните дождови на јужниот италијански остров Искија, изјави локален претставник.
Силни поројни дождови го погодија пристаништето Казамичиола Терме, еден од шесте градови на островот, рано во саботата, предизвикувајќи поплави и уривање на згради.
Fiumi di fango, edifici distrutti, decine di persone intrappolate, Salvini parla già di 8 morti.
Non è fatalità: #Ischia è ormai simbolo del dissesto idrogeologico di un'Italia fragile che non ha capito ancora che l'unica grande opera necessaria è la cura del territorio. pic.twitter.com/wZ4BTRGw3R
— Giuliano Granato (@Giul_Granato) November 26, 2022
„Потврдена е смртта на едно лице, една жена. Пронајдени се осум исчезнати лица, меѓу кои и едно дете, а судбината на десет лица се уште не е позната“, изјави префектот на Неапол, Клаудио Паломба на прес-конференција.
Малку порано, вицепремиерот и министер за инфраструктура, Матео Салвини, исто така лидер на антиимигрантската партија Лига, им изјави на новинарите во Милано дека осум лица загинале во лизгање на земјиштето предизвикано од обилните дождови, што подоцна беше демантирано од министерот за внатрешни работи, Матео Пјантедоси.
Седумдесет пожарникари работат на островот на 30 километри од Неапол за да ги извлечат жителите од оштетените згради и да ги пронајдат исчезнатите лица, објави противпожарната бригада на Твитер.
Снимките покажуваат густа кал, остатоци и карпи во Казамичиола Терме. Неколку автомобили биле потопени долж брегот и очигледно невремето ги однело во морето.