Украина ќе ги евакуира цивилите од неодамна ослободените области во регионите Херсон и Миколаев. Украинските власти стравуваат дека штетите на инфраструктурните објекти се толку големи што на цивилите би можело да им биде тешко да ја преживеат зимата, пренесува Sky News.
Украинските власти ги советуваа жителите на двата јужни региони, кои беа под силни ракетни и напади со дронови во последните месеци, да се евакуираат во побезбедни области во централна и западна Украина, изјави денеска украинската вицепремиерка Ирина Верешчук.
Властите ќе обезбедат превоз, сместување и здравствена заштита на цивилите кои ќе одлучат да се евакуираат, додаде таа. Евакуацијата беше најавена нешто повеќе од една недела откако Украина го ослободи градот Херсон, кој се уште се наоѓа во близина на линијата на фронтот.