Пратениците од мнозинството предводено од СДСМ денеска во Собранието ги изгласаа дополнувањата на Законот за субвенциониран студентски оброк. Законското решение е согласно договорот постигнат со претставниците на студентските собранија и предвидува субвенциониран студентски оброк да продолжи да се исплатува по старите критериуми до 15.03.2023 година велат од СДСМ.
– Меѓутоа опозициската ВМРО-ДПМНЕ не гласаше за студентски оброк. ВМРО-ДПМНЕ е против интересите на студентите. Тоа е партијата која своевремено ги тепаше и злоупотребуваше студентите за свои партиски цели. За разлика од нив СДСМ го слуша гласот на студентите и работи за подобрување на студентскиот стандард, низ инклузивност и дијалог. Студентските собранија се вклучија во работните групи кои треба да го креираат системското решение за субвенционираниот оброк најдоцна до 15 Март 2023 година. Веќе е организирана дискусија со претставници на студентските собранија, со цел креирање на Акциски план за подобрување на условите во студентските домови се наведува во соопштението од партијата.