Првите информации укажуваат дека е можно проектилите да не биле истрелана од Русија, изјави американскиот претседател Џо Бајден во врска со експлозијата што се случи во Полска, во близина на границата со Украина, во која загинаа две лица.
“Не сакам да кажам ништо дефинитивно додека не се направи целосна истрага. Сепак, поради траекторијата на ракетите, малку е веројатно дека биле истрелани од Русија. Но ќе видиме што ќе донесе истрагата“, рече Бајден во обраќањето во живо на Си-Ен-Ен.
Бајден моментално е во Бали, Индонезија на самитот на Г-20, а пред изјавите одржа итен состанок со другите лидери на Г7 (Велика Британија, Франција, Италија, Германија, Канада и Јапонија) и лидерите на Шпанија и Холандија.
„Меѓутоа, Русија со своите акции продолжува да ја влошува ситуацијата во Украина“, додаде американскиот претседател.