Специјалниот првостепен суд во Тирана одлучи да одземе 100 отсто од РТВ Ора и да го префрли на државна сопственост, јави Топ чанел.
Во одлуката каде се опфатени 26 имоти, акции и удели стои дека телевизијата Ора била во сопственост на бизнисменот Или Ндроќи во висина од 60 отсто од акциите, а останатите 40 отсто во сопственост на неговата сопруга Мимоза Ндроќи.
-Целта е борба против слободните медиуми, односно затворање на медиум во Албанија, кој не и се допаѓа на актуелната власт. Апелациониот суд, кој ја потврди заплената, побара од обвинителството и судот да потврдат дали има или не докази за криминалната активност на Ндроќи. Во врска со ова не е преземено ништо, изјави адвокатот Бесник Мучи.
По соопштување на одлуката реагираа и другите двајца адвокати на Ндрочи, најавувајќи, меѓу другото дека следната битка ќе ја водат во Стразбур.
– Еден месец пред оваа одлука, судот го отфрли барањето на Ндроќи за поништување на одлуката за заплена на неговиот имот. Двајцата обвинители Дритан Пречи и Владимир Мара сметаат дека не се докажува потеклото и барањето не е оправдано за деблокирање на запленетиот имот, но адвокатите инсистираат на спротивното, наведува Топ чанел.
Извор: МИА