Министерството за внатрешни работи се огласи во врска со инцидентот кој вчера вечер се случи во трговскиот ценатар Бисер во скопски Аеродром кога голема група тинејџери се собра на догворена тепачка. Од МВР информираат дека малолетниците биле спречени во намерата. Со тројца од нив било разговарано во полицијска станица и тие потврдиле дека имало договор за тепачка како што објави А1он.мк.
– По добиени оперативни информации дека на 14.10.2022 околу 21 часот во трговски центар на бул.„Јане Сандански“ има поголема група на малолетници со намера физички да се пресметаат, од страна на полициски службеници од СВР Скопје – ЕВР Аеродром преземени се соодветни мерки и активности, но не дошло до нарушување на јавниот ред и мир. Во врска со настанот, со присуство на родители, во Полициската станица Аеродром бил извршен разговор со тројца малолетници, кои појасниле дека во трговскиот центар требало да има физичка пресметка помеѓу две групи. Се работи на расчистување на случајот се вели во соопштението од МВР.