Операторот на гасоводот Северен тек 1 вели дека ќе биде можно да се почне со поправка на истекувањето дури откако ќе се процени штетата.
Портпаролот на Nord Stream AG за ДПА изјави дека сака да ја провери штетата што е можно побрзо откако властите ќе ги укинат затворените зони што се наметнати.
Портпаролот одби да даде информации за можните трошоци и кој ќе ги сноси.
Портпаролот на Nord Stream 2 AG, Улрих Лисек, рече дека „никој не може сериозно да каже во моментов каква е ситуацијата таму“.
Шефицата на Европската комисија Урсула фон дер Лајен синоќа изјави дека протекувањето на гасоводот во гасоводот „Северен тек“ во Балтичко Море е „чин на саботажа“.
„Најважно е да се истражат инцидентите и целосно да се расветлат настаните и нивните причини. Секое намерно нарушување на активната енергетска инфраструктура во Европа е неприфатливо и ќе резултира со најсилен можен одговор“, напиша Фон дер Лајен на Твитер.
Шведските власти вчера соопштија дека се издадени предупредувања поради два случаја на истекување на гасоводот Северен тек – еден во шведските и данските води, еден ден откако беше пријавено истекување од Северен тек два“. Во моментот и двата гасовода не се во функција, но во цевките има гас.
Данската енергетска агенција вчера потврди три истекувања на гас од цевководите Северен тек 1 и 2. Данскиот министер за одбрана Мортен Бодсков и генералниот секретар на НАТО Јенс Столтенберг денеска се состанаа во Брисел за да разговараат за ситуацијата.
Извор: МИА