Напаѓачот во училиштето во рускиот град Ижевск, каде во престрелката загинаа 13 лица, припаѓал на неофашистичка група или организација, изјави денеска портпаролот на Кремљ, Дмитриј Песков.
Песков рече дека рускиот претседател Владимир Путин длабоко жали за смртта на луѓето во нападот, кој Песков го нарече „терористички“, пренесува РИА Новости.
„Путин е тажен поради смртта на луѓето и децата во терористичкиот напад на училиштето“, рече Песков.
Тој додаде дека рускиот претседател на регионалните и федералните власти им ги дал сите потребни инструкции во врска со „терористичкиот напад“ и рече дека ќе бидат решени сите социјални прашања.
Тој додаде дека по нападот во Ижевск треба да се анализира ефикасноста на постоечките безбедносни мерки во училиштата.
Поранешен ученик во 88-то училиште во Ижвеск отвори оган претходно денеска во тоа училиште и уби 13 лица, по што се самоуби.