Единицата за економски и компјутерски и криминал при СВР Скопје поднесе кривична пријава против 31-годишната М.А. од Скопје поради постоење основи на сомнение за сторено кривично дело „даночно затајување”, извести МВР.
– Пријавената, во текот на 2021 година примила 43.532 евра преку брз трансфер, но не го пријавила приходот и не поднела задолжителна даночна пријава до Управата за јавни приходи, соопшти МВР.
На тој начин таа избегнала да плати данок на личен доход во износ од 10% од вкупниот остварен доход или 267.721 денар, а за што била законски обврзана. Со ваквото дејствие таа го оштетила Буџетот на Република Северна Македонија за износ од 267.721 денар.