Две реченици за енергетската криза и благодарност саемот на вина во Белград. Вака Димитар Ковачевски, премиер на Македонија го започна говорот на Самитот „Отворен Балкан“. Додека премиерот на Албанија, Еди Рама зборуваше за тоа дека ќе треба помош од ЕУ, Ковачевски објаснуваше како ќе се произведува струја во земјата.
Премиерот на Македонија, за разлика од Рама, не побара помош од ЕУ. Тој смета дека со Отворен Балкан, ќе биде подобро оваа зима.
„Ако ние имаме производствени капацитети, истовремено, имаме недостаток на суровини кои ги има во Србија или Албанија. Затоа оваа соработка е значајна“, кажа Ковачевски.
Тој објаснуваше за ангажирање на кинематографи од Западен Балкан и за поврзување на регионот, за странски директни инвестиции, за задржување на инвеститори.
„Потенцијалите за поврзување на регионот беа интерес на денешната средба, дојдовме до согласност дека заеднички ќе работиме и во оваа насока“, додаде Ковачевски.
Во остатокот на говорот, Ковачевски кажа дека Македонија ќе ги активира сите капацитети за производство на електрична енергија.