Продолжуваат активностите за реконструкција и обнова на манастирот Трескавец. Во рекордно време завршено е асфалтирањето на патот, а деновиве се завршуваат поситните градежни работи. Целокупната финансиска конструкција во висина од два милиони евра е покриена од Министерство за транспорт и врски.
Интензивирани се активностите за обнова на опожарениот манастир Трескавец, завршен е проектот за обнова на конаците и се работи на обнова на внатрешните инсталации – изјави отец Калист,единствениот монах во манастирот.
Според директорот на ЈП Водовод и канализација, Сашо Николоски, направен е и проект за изградба на водоводот, што значи дека наскоро ќе има и вода во манастирот. Паралелно се работи и на други проекти во соработка со Заводот и музеј за негова реставрација, а и понатаму стигнуваат донации за обнова на манастирот.
А.Ш.