Германскиот канцелар Олаф Шолц пристигна во неколкучасовна посета на Македонија. Tој ќе има средба со премиерот Димитар Ковачевски, а потоа ќе имаат и заедничка прес конференција.
Канцеларот Шолц и неговата делегација беа пречекани со церемонија на највисоки државни и воени почести на платото пред Владата. Предвидена е тет-а-тет средба на премиерот и канцеларот, по што ќе следува билатералната средба на членовите на двете делегации.
Посетата на Шолц на земјава е дел од неговата дводневана балканска турнеја. Тој беше и на Косово и во Србија, а по Скопје ќе оди и во Бугарија.
Според најавите еден од главните фокуси на неговата посета ќе биде обидот за одgлавување на евроинтеграцискиот пат на земјава, но политичката сосотјба во Бугарија дополнтелно ја компликува ситуацијата.