Делегација на СДСМ предводена од претседателот, Зоран Заев, денеска се сретна со специјалниот претставник на Германија, Ернст Рејчел, со кого се разговарало за политичката состојба во земјава и за актуелните теми, евроинтеграцискиот процес на Република Македонија и состојбите во регионов.
„Беше истакната и лошата состојба со слободата на медиумите, како и проблемот со непрестано поткопување на демократијата во земјава. На средбата се разговараше и за лошата економска состојба во земјава и финансиските предизвици со кои секојдневно се соочуваат македонските граѓани“, соопшти СДСМ.
Специјалниот претставник на Германија, Рејчел, ја изразил својата поддршка за евроатлантските интегративни процеси на Македонија.
Претседателот Заев и делегацијата на СДСМ се заложиле за продлабочување на соработката во иднина.
