Хонда објави официјални фотографии од својот модел Сивик Туриер, кој ќе биде официјално претставен на есенскиот Саем на автомобили во Франкфурт.
Автомобилот се очекува во продажба да се најде кон почетокот на идната година.
Сивик Туриер доаѓа со багажен простор од дури 1.668 литри, со што избива на прво место во својата класа по понудата на корисен багажен простор.
Новата караванска изведба на Сивик може да се добие и со системот „Меџик Ситс“, кој со само еден потег ги преклопува задните седишта.
Моментално Хонда нуди два мотори, од кои еден четирицилиндарски 1,6 литарски дизел и-ДТЕЦ мотор со 120 коњски сили и 1,8 литарски бензински мотор и-ВТЕЦ мотор со 142 коњски сили.
Новата Хонда Сивик Туриер ќе се произведува во погоните на компанијата во Велика Британија.