Петнаесет европски држави денеска го повикаа Израел да се откаже од плановите за изградба на нови илјадници домови за доселеници на Западниот Брег, предупредувајќи дека тие „стојат на патот“ на траен мир меѓу Израелците и Палестинците.
„Новите станбени единици би претставувале дополнителна пречка за решението за две држави“, се вели во соопштението на земјите од нивните министерства за надворешни работи.
„Израелските населби јасно го кршат меѓународното право и стојат на патот на праведен, траен и сеопфатен мир меѓу Израелците и Палестинците“, додаваат тие.
Извор: МИА